Urizar beteranoetan garaile Solsonako mendi duatloian

Luis Mari Urizar billabonatarrak beteranoen mailan denborarik onena lortu zuen, pasa den igandean joatu zen Solsonako (Katalunia)  Mendi Duatloian.
Kataluniako zirkuiturako puntuagarria da Solsonako proba, eta Euskal Herritik hamaika kirolarik parte hartu zuten. Batzuk Euskal Selekzioko elastikoarekin aritu ziren, eta beste batzuk, berriz, beren klubeko elastikoarekin. Eskualdetik, Luis Mari Urizar joan zen euskal selekzioko elastikoarekin; Liher Etxeberria, berriz, Tolosaldea Triatloi Taldearen izenean aritu zen Solsonan.
Guztira 250 gizon-emakumek parte hartu zuten proban. Korrikako lehen zatian 5 kilometro egin behar izan zituzten; ondoren, bizikletarekin, 24 kilometroko ibilbidea egin zuten, eta bukatzeko 3 kilometro egin behar izan zituzten korrika.
Luis Mari Urizar eskualdeko lehen parte hartzailea izan zen. 01:32ko denborarekin, seigarren postuan amaitu zuen proba. Bide beretik, beteranoen mailako irabazlea izan zen kirolari billabonatarra.
Tolosaldea Triatloi Taldeko Liher Etxeberriak, berriz, 35.postuan amaitu zuen Solsones-ko mendi duatloia, 01:40ko denbora eginez.