Tolosaldeko eta Leitzaldeko hainbat herritan hileko azken ostiralak iristean, elkarretaratzeak egiten dituzte. Preso eta iheslarien eskubideen alde biltzen dira, eta herrien zerrendari, oraingoan, Berastegi gehitu zaio. Herriko plazan elkartuko dira 19:30ean. Azken hilabeteetan, Irura, Berrobi edota Gaztelu herriak gehitu dira hileko azken ostiraletako elkarretaratzeetara. Etzi izango da urteko lehen azken ostirala.
Tolosaldeko Egin Dezagun Bidea ekimenak ere, deialdi horiekin bat egiten du, eta herritarrei dei egiten diete bertan parte hartzera joateko. Bestalde, eskualdeari dagokionean, urtarrilaren 7ko Bilboko manifestazioari eskualdeak eman zion erantzuna azpimarratu dute: “Benetan txalotzekoa izan da guztion artean egin dugun lana, eta emaitzak hala erakusten digu. Tolosaldetik 18 autobus joan ginen Bilbora. Benetan ikaragarria!”.
Azken ostirala
Etzi
Aduna. 20:00etan.
Alegia. 19:30ean.
Amezketa. 19:30ean.
Anoeta. 19:30ean.
Asteasu. 20:00etan.
Berrobi. 19:30ean.
Berastegi. 19:30ean, plazan.
Gaztelu. 20:30ean, plazan.
Ibarra. 19:30ean.
Ikaztegieta. 20:30ean.
Irura. 19:30ean, plazan.
Txarama. 20:15ean.
Leitza. 20:00etan.
Lizartza. 20:00etan.
Orendain. 20:00etan.
Tolosa. 19:30ean.
Villabona. 20:00etan.
Zizurkil. 20:00etan.
Susak argitaratu du idazlearen lehen nobela 
1512an Gaztelako tropek Nafarroako Erresuma konkistatu zuteneko 500. urteurrenaren harira, bi hitzaldi emango dituzte eta erakusketa ere ireki dute Zuloaga Etxean. Garai hartako giroa gogoratzeko Las mentiras del conquistador y sus absurdas justificaciones hitzaldia Tomas Urzainki Minak emango du, gaur, arratsaldeko zazpi eta erdietan, Zuloaga Etxean. Lehenengo hitzaldia gazteleraz izango da eta dokumentuak konparatu eta [...]
Rebeka Calvo
eneritz maiz
Tolosaldeko eta Leitzaldeko Hitza
Itzea Urkizu
