Metalgintzako sektoreko langileek greba egin dute Gipuzkoako hitzarmena defendatuz Adegi patronalaren aurrean. Mari Mujika metalgintzako LABeko Tolosaldeko arduradunak azaldu duenez, langileen erantzuna “izugarria” izan da: “Gipuzkoan grebarekin bat egin dutenak %85 izan dira, eta Goierrin, Tolosaldean eta Urola Kostan izan da portzentaje nagusiena”.

Jende asko elkartu da inaugurazio ekitaldian, eta Manu Uranga egileak eskulturaren bertikalitatea nabarmendu du, eta herritarrek ukitu eta erabiltzeko diseinatua izan dela gaineratu du. Ekitaldian, Iñaki Epelde gogoan izan dute.

Honekin amaitutzat ematen da iaz hasi zen Eskulturastea. Berrogeita lau lan aurkeztu ziren, eta Urangaren lana izan zen saritua.

1993 hartan, Mikel Arrastoa zen Zizurkilgo alkate. Euskal Fondoaren bitartez, El Salvadorren aurrera eramaten ari ziren proiektu batzuk ikustera joan ziren. Segundo Montesen harrera bikaina egin zieten. «Kantuan eta musika joz hartu gintuzten. Ondoren, Euskal Herrian zehar bira bat egitera ekarri genituen, eta handik sortu zen senidetzea» dio alkate ohiak.
Harrez geroztik, Aduna, Asteasu, Amasa-Villabona eta Zizurkilgo udalek euren aurrekontuetako diru kantitate bat gorde izan ohi dute urtero komunitatean hainbat proiektu garatu ahal izateko, hala nola, etxebizitzak egitea, edota horietara ura eramatea.
Udalez gain, herritarrengandik sortutako beste hainbat laguntzeko bide zabaldu dira. Esate baterako, San Millan eta Pedro Mari Otaño ikastetxeek, Henry Ortiz eta El Barrial ikastetxeak laguntzen dituzte eskolako materiala, ordenagailuak eta beste hainbat gauza eskainiz. Herritarrek emandako laguntzatik ere, bertako gazteek goi mailako ikasketak egin ahal izateko bekak finantzatzen dira.
Trukean, «elkartasuna, irribarrea eta nortasuna» jaso dituztela dio Arrastoak. «Gure partetik gauza ez da sobratzen zaiguna ematea, behar dutena ematea baizik. Eurek guri, elkartasuna ematen digute. Asko sufritu duten, eta sufritzen ari diren arren, ematen diegun guztia horrengatik nola eskertzen diguten ikusteak, asko balio du. Baloreak transmititzen dizkigute».
Euskal Herria bisitatuz
Elkarri lagunduz bete diren bi hamarkada hauek aitzakiatzat hartuta, Maiatza Saltsanen barnean antolatu diren ekitaldietan parte hartzeko El Salvadorretik hainbat lagun etorri dira Euskal Herrira, tartean, Jovani Diaz, Meanguerako alkatea, Dario Chicas diputatua eta Sigrifido Reyes, El Salvadorreko Legebiltzarreko presidentea. Aste honetan zehar Euskal Herriko hainbat txoko bisitatzen ibili dira.
Pasa den ostiralean, esaterako janari truke gastronomikoa egin zuten. «Oso pozik daude, eta emandako laguntza asko eskertu digute. Era berean, asko arduratu dira Euskal Herriak bake-biderako bizi duen prozesuaz, presoen egoeraz, etab. Azken finean, anai-arrebak bezala gara» azaldu du Arrastoak.
Senidetze Eguna, bihar
Hogei urteko harreman estu honen ospakizunei amaiera emateko, Senidetze Eguna ospatuko da bihar Zizurkil Goian.Horretarako, senidetzearen parte ere badiren Herrialde Katalanetako 42 lagun etorriko dira fanfarre eta guzti. 11:00etan harrera instituzionala egingo da, eta hamabietan kalejira herrikoi eta guzti. Ondoren, denak batera paella bazkalduko dute. «Senidetzea ez da proiektuak egitea soilik, giro onean, denok parte hartu eta elkar ezagutzea baizik».

Egutegia
Senidetze eguna
11:00. El Salvadorreko kideei harrera instituzionala egingo zaie Zizurkilgo Udaletxean.
12:00. Harrera herrikoia Pedro Mari Otaño Plazan, Porrotx pailazoaren emanaldia eta Herrialde Katalanetako konpartsa baten eskutik. Bertsolariak eta dantzariak ere izango dira.
13:00. Talo solidarioak eta Empordako ardo dastaketa.
14:30. Bazkari herrikoia elizako arkupean. Tiketak salgai Zizurkilgo Atxulondo eta Iriarte jatetxeetan.
Arratsaldean. Anje Duhalde eta Fermin Balentziaren kontzertua.

Erabaki honen aurka dauden “herritarrekiko konpromisoarekin jarraitu eta kanpainarekin aurrera” egingo dutela adierazi du Patxi Amantegi, plataformako bozeramaileak gaur goizean Anoetako plazan egindako prentsa agerraldian. Herritarren borondatearen aurka doan “inposizioa” dela salatu du, eta garrantzia eman nahi izan die eskualdeko hainbat herritan plataformak bildu dituen sinadurei:  “Anoetan 455 firma bildu ditugu atez atekoaren aurka, 258 Iruran, Alegian 469, 1.934 Amasa-Villabonan, 1.470 Ibarran, eta 6.600 Tolosan. Ez al da nahikoa herritar hauek diotena?”.

Zizurkil, Irura, Anoeta, Alegia eta Amasa-Villabonan sistema hau ezartzea “ulergaitza” dela esan du Amantegik: “Ez ditugu ulertzen bost herri hauetako alkateek atez atekoaren alde hartutako erabaki irmoaren arrazoiak. Garestia dela aitortu dute. Ez ditu zabor bilketa tasak handitzen. Herritarroi deserosoa egiten zaigu. Intimitate-eskubidea urratzen du. Eta batez ere, ez du zaborrekin daukagun arazoa konpontzen”.

Manifestazioa, arratsaldeko zazpietan abiatuko da parrokiatik Birziklapena Bai. Atez Ate STOP lelopean. Ondoren, Iru Aldeta, Txermin auzoa, Ula auzoa, Zubimusu zubia, Pasus biribilgunea, Aurrera Plaza, Ubare pasealekua eta kale nagusia zeharkatuko ditu Villabonako plazan amaitu aurretik.

Ibarrako gazteei zuzenduriko 32 etxebizitza dira orotara. Bi etxebizitza ezintasunen bat dutenentzat dira, baina, kasu honetarako ez da eskaerarik izan. Beste bi etxebizitza seme-alabak edo adinekoak euren kargura dituztenentzat bi gelakoak dira, eta kasu honetarako hiru eskaera izan dira. Gainerako 28 etxebizitzak gela bakarrekoak dira, eta hauetarako 53 eskaera izan dira.

Aipatzekoa da, bozka ematen duten herritarren artean bi sarrera zozketatuko dituztela, Sortuko dira besteak ikuskizunerako; ekainaren 21ean izango da Leidorren.

Jarraian ikus daitezke kartel finalistak.

Hilaren 9an,  Patxi Amantegik Tolosa Txukunen izenean hitzaldi bat eman zuen Tolosako Topic-en. Kezkatuta geratu ginen bertan entzundako argudio eta ikuspuntu dezenteekin; besteak beste, atez ateko sistema daukaten herrietan denda txikien etorkizuna zalantzan dagoela esan zuen, zabor kopurua jaitsi delako. Barkatu atrebentzia, baina guztiz kontrakoa da, izan ere, kontsumo arduratsuak azokara eta denda txikietara hurbiltzea, eta merkataritza gune handietatik aldentzea dakar. Eta era guztietako gehiegizko bilgarriak (porexpan, plastikoa…) daramatzaten produktuak saihestera bultzatzen gaitu, era berean.

Aipatu nahi dugu, erakunde publiko batzuk aurrera eramaten ari diren hondakin bilketa sistema aldatzeko proposamen ausarta, jakinda neurri hau herritarron gogokoa ez dela izango. Herritarroi gure hondakinekin arduraz jokatzeko, eta ingurugiro osasuntsu eta iraunkor batean bizitzeko, dugun eskubidea babesteko eta zaintzeko egin duten aldeko apustua ere nabarmendu nahi dugu. Agian, une honetan gure herriko politikoei korapilotik ateratzea zaila gertatzen ari zaie, baina guk, tolosarrok, aurre egiteko moduak baditugula uste dugu.

Dena den, arinki esan ziren hainbat gauzekin ados egon ez arren, idatzi honen helburua  ez da konfrontazioa bilatzea edo bultzatzea, aurkakoa hain zuzen: bat gatozen puntuak azpimarratzea garrantzitsua iruditu zaigu.

Alde batetik,  Patxi, zurekin ados gaude ahal den gehiena birziklatu behar dugula esaten duzunean. Horretako eredu ederrak ditugu Europan eta mundu osoan: San Frantziskon, Flandesen, Caparorin, Alemanian eta Espainian ere bai. Ziur gaude tolosarrok birziklatze-tasa handienetara iristeko ahalmena dugula.

Zurekin ados gaude, era berean, edozein bilketa sistema ezartzean, derrigorrezkoa izan behar duela diozunean. Are gehiago, ikaragarri poztu ginen, bosgarren ontziak derrigorrezkoa izan behar duela zuri entzutean, publikoki egin duzun diskurtso aldaketa hau garrantzitsua delakoan baikara. Eta hori bakarrik ez; ontzi horrek identifikatua edo fiskalizatua behar duela izan aldarrikatzen duzunean ere bai, denok arduraz jokatzeko betebeharra dugulako. Dena den, zuk proposatzen duzun sistema honen eraginkortasuna, aspaldian hainbat herritan derrigor jartzeko aukera izan da, eta froga zitekeen, baina ez da horrela izan.

Bestalde, auzokonpostaren alde zaudela aipatu zenuen, eta gai honetan gure babes osoa duzula adierazi nahi dugu, gu geu izan baikara herri honetan auzokonposta kanpaina martxan jarri dugunak eta ekimen hori bultzatzen jarraituko dugunak.

Azkenik, heziketaren garrantziaz aipamenaren bat ere egin zenuen. Ez dugu ahaztu behar gizakiaren eboluzioan, heziketa dela aurre egiteko oinarrizko balorea eta tresna, eta horregatik Tolosako Zero Zaborrek bere burua eskaintzen du Tolosako edozein talderi  hitzaldiak emateko, informazio mahaiak osatzeko, eta abarretarako.

Baita zuri ere , Patxi, aurreko batean egin genuen bezala, oraingo honetan elkarlanean aritzeko gonbidapena luzatu nahi dizugu.

Gure ustez gehiago dira batzen gaituzten puntuak, banatzen gaituztenak baino, beraz, eskain diezaiogun Tolosako herriari aukera paregabea. Honegatik guztiagatik, Tolosa Zero Zaborrek elkarrizketa publiko batera gonbidatu nahi zaitu. Elkarrizketa bat, non bi aldeak elkartzen gaituzten puntu hauez hitz egingo dugun, eta hondakinen murrizte, berrerabiltze eta birziklatze politiketan herritarrekin komunikatu eta elkar hezteko moduak bilatuko ditugun.

Nekane Arsuaga eta Ander Agirrezabala (Tolosa Zero Zabor)

Aipatzekoa da, ikusmen urriko pertsonentzat edo itsuentzat egokituriko zentro gutxietakoa dela Topic, bere esparruan, eta brailea nahiz antzeko baliabideak museoan jartzeagatik izendatu zuela Oncek.

Laskorain ikastolako neska-mutilak Donostiako Informatika Fakultatean izan ziren atzo, erronka bitxi batekin: robotekin bertsotan aritu ziren. Ixa Taldeak eta EHUko Robotika sailak euskara eta teknologia berriak uztartu dituzte, eta egitasmoa ezagutzera joan ziren ikasleak. Lanerako gai interesgarria da bertsolaritza, adimen artifiziala, hizkuntzalaritza eta robotika jorratzerakoan; robotari, ordea, benetako bertsolarien bat-batekotasuna nahiz koherentzia falta zaizkio.

Ertzaintzak 05:30 aldera jaso zuen hilketaren abisua, gizonezkoaren arrebak deituta. Zenbait iturriren arabera, gizonak berak ohartarazi zuen arreba, eta Poliziak etxebizitzara joaterako hilik zen jada andrea, labana batez erasotuta. 49 urteko bikotekidea atxilotu egin zuten, eta bera da ustezko hiltzailea. Izan ere, emakumea hiltzeko erabilitako labana ere bertan topatu zuten. Haur txiki bat ere etxean zen, onik. Abisua eman zuen andreak hartu du, bere gain, haurraren zaintza.